ENG GEO

Search form

სიახლეები

კამპუსში ცნობილმა ეკონომისტმა სერგეი გურიევმა ჩაატარა საჯარო ლექცია: "Political Economy of Reforms in the EU Neighbourhood". სერგეი გურიევი არის ევროპის რეკონსტრუქციისა და განვითარების ბანკის (EBRD) მთავარი ეკონომისტი. ის ასევე არის პროფესორი ეკონომიკისმიმართულებით Science Po-ში (Instituts d'études politiques in Paris). მისი ნაშრომები გამოქვეყნებულია საერთაშორისო რეფერირებად ჟურნალებშიროგორებიცაა: American Economic Review, Journal of European Economic Association, Journal of Economic Perspectives, Economic Journal და American Political Science Review. მისი სტატიები ასევე დაბეჭდილია ჟურნალებში New York Times, Financial Times, Washington Post, Project Syndicate და Moscow Times. ლექციის ვიდეო ჩანაწერი შეგიძლიათ ნახოთ ჩვენს Youtube არხზე: https://www.youtube.com/watch?v=oVxbqO8BBI8
კამპუსში გაიმართა დისკუსია: "დემოკრატია და ტექნოლოგიები". ღონისძიებაზე მოხსენება წარადგინა თავისუფალი უნივერსიტეტის ლეტორმა დავით კიზირიამ. დისკუსიაში მონაწილეობა ასევე მიიღეს ალექსანდრე რაქვიაშვილმა, ნიკოლოზ ალექსიძემ და დავით ზედელაშვილმა. დისკუსია შეეხებოდა ტექნოლოგიების როლს საზოგადოებებისა და დემოკრატიის განვითარების სფეროში. ასევე იმ ტრანსფორმაციებს, რომელსაც აჩენს ტექნოლოგიური ცვლილებები. განხილული იყო ის გამოწვევები, რომლის წინაშეც დგას დემოკრატია და დღევანდელი საზოგადოებები. მონაწილეებმა ასევე ისაუბრეს დემოკრატიის ტრანსფორმაციის შესაძლო სცენარებზე.
კამპუსს თავისუფალ უნივერსიტეტს დიდი ბრიტანეთის
ერასმუს+ პროგრამის ფარგლებში კამპუსს პოლონეთიდან ესტუმრა პროფესორი ანდრჟეი დრჟევინსკი, რომელმაც ფიზიკის სკოლის სტუდენტებისთვის წაიკითხა ლექციების კურსი და ჩაატარა სამეცნიერო სემინარი კონდენსირებულ გარემოთა ფიზიკის თანამედროვე პრობლემებზე. ლექციათა კურსი სასარგებლო აღმოჩნდა სტუდენტთათვის. ასევე, სამეცნიერო სემინარმა დიდი ინტერესი გამოიწვია დარგის სპეციალისტთა შორის.
კამპუსში თავისუფალი უნივერსიტეტის საერთაშორისო ურთიერთობების სკოლისა და აზიისა და აფრიკის ინსტიტუტის ორგანიზებით ჩატარდა საჯარო ლექცია თემაზე: "მდინარე მტკვარი: თეთრი წყლიდან თეთრ ოქრომდე (1800-1991)". ლექცია ჩაატარა კარლტონის უნივერსიტეტის (კანადა) პროფესორმა და რუსეთის, ევრაზიის, თანამედროვე ცენტრალური აზიისა და კავკასიის კვლევების ინსტიტუტის (EURUS) დირექტორმა ჯეფ საჰადეომ.
კამპუსში საერთაშორისო ურთიერთობების სკოლის "მომავალ დიპლომატთა კლუბის" ორგანიზებით ჩატარდა ელენე ხოშტარიას საჯარო ლექცია-დისკუსია: "აღმოსავლეთ პარტნიორობის 10 წელი და მომავალი გამოწვევები". ელენე ხოშტარია არის თავისუფალი უნივერსიტეტის ლექტორი. ლექცია ჩატარდა საერთაშორისო ურთიერთობების სკოლის, დემოკრატიული განვითარების ევროპული ინსტიტუტისა და მომავალ დიპლომატთა კლუბის აკადემიური პროექტის - "გლობალური გამოწვევების ფორუმი 2019"-ის ფარგლებში. ლექციის ვიდეო ჩანაწერი შეგიძლიათ ნახოთ ჩვენს Youtube არხზე: https://www.youtube.com/watch?v=CrBuLs4PVYw
თავისუფალი უნივერსიტეტის კონფუცის ინსტიტუტის ორგანიზებით კამპუსში გაიმართა ჩინურ ენაზე სიტყვით გამოსვლის კონკურსი თემაზე "მე და ჩინეთი". საქართველოს სხვადასხვა უნივერსიტეტის ჩინური ენით დაინტერესებულმა 15-მდე სტუდენტმა ჟიურისა და მაყურებელს გაუზიარა თავისი დამოკიდებულება ჩინეთისადმი. ძლიერი კონკურენციის პირობებში გამარჯვება მოიპოვა თავისუფალი უნივერსიტეტის საერთაშორისო ურთიერთობების სკოლის ჩინური მიმართულების მეორე კურსის სტუდენტმა რატი მდივანმა. მონაწილეები და გამარჯვებულები დაჯილდოვდნენ ორენოვანი სერტიფიკატებითა და პრიზებით. თავისუფალი უნივერსიტეტის კონფუცის ინსტიტუტი ჩინეთითა და ჩინური ენით დაინტერესებულ სტუდენტებსა და სკოლის მოსწავლეებს ხშირად აძლევს სხვადასხვა სახის კონკურსში მონაწილეობისა და საკუთარი ნიჭის გამოვლენის შესაძლებლობას. მომავალშიც იგეგმება არაერთი საინტერესო ღონისძიების ჩატარება.
კახა ბენდუქიძის კვირეულის ფარგლებში, 20 აპრილს გაიმართა თავისუფალი უნივერსიტეტის შემეცნებითი კონკურსების მონაწილეთა და გამარჯვებულთა საზეიმო დაჯილდოების ცერემონია. ღონისძიების ფარგლებში კონკურსებში მონაწილე მოსწავლეებს გადაეცათ სერტიფიკატები და გამოვლინდნენ გამარჯვებულები, რომლებმაც მოიპოვეს სასწავლო გრანტები თავისუფალ უნივერსიტეტში სწავლის დასაფინანსებლად: კონკურსი "თავისუფალი აზროვნება" I ადგილი - ნინო ლომიძე - 2 500 ლარიანი სასწავლო გრანტი II ადგილი - ბარბარე ჯანაშვილი - 1 500 ლარიანი სასწავლო გრანტი III ადგილი - ცოტნე ბაბუნაშვილი - 1 000 ლარიანი სასწავლო გრანტი კონკურსი "De Re Publica" I ადგილი - ანა სურგულაძე - 2 000 ლარიანი სასწავლო გრანტი II ადგილი - სალომე ნოზაძე - 1 500 ლარიანი სასწავლო გრანტი III ადგილი - ელენე მიქაძე - 1 000 ლარიანი სასწავლო გრანტი კონკურსი "Presumptio Juris" I ადგილი - დავით სახოკია - 2 000 ლარიანი სასწავლო გრანტი II ადგილი - ნინო ტაბატაძე - 1 500 ლარიანი სასწავლო გრანტი III ადგილი - ანი სამსიანი - 1 000 ლარიანი სასწავლო გრანტი კონკურსი "VITRUVIUS - secundus" I ადგილი - გივიკო ლეგაშვილი - 2 000 ლარიანი სასწავლო გრანტი II ადგილი - მეა მიმინოშვილი - 1 500 ლარიანი სასწავლო გრანტი III ადგილი - გიორგი ზიბზიბაძე - 1 000 ლარიანი სასწავლო გრანტი კონკურსი "თემატური ჩანახატები" I ადგილი - ანანო მგელაძე - 1 600 ლარიანი სასწავლო გრანტი II ადგილი - მარიამ მწარიაშვილი - 1 200 ლარიანი სასწავლო გრანტი III ადგილი - ანა თარაშვილი - 800 ლარიანი სასწავლო გრანტი სულ ჯამურად თავისუფალი და აგრარული უნივერსიტეტების ორგანიზებით ათამდე შემეცნებითი კონკურსი ტარდება ყოველწლიურად და მათში წარმატებული მოსწავლეები ჯამში 150 000 ლარზე მეტი სასწავლო გრანტის მფლობელები ხდებიან.
JTI კონკურსში მორიგი გამარჯვებულები გამოვლინდნენ. კომპანია უკვე ტრადიციულად, ყოველ სემესტრში კონკურსის შედეგად არჩევს თავისუფალი უნივერსიტეტის ბიზნეს სკოლის ორ სტუდენტს და უფინანსებს სწავლას. JTI-ს სტიპენდიის ამ სემესტრის გამარჯვებულები გახდნენ: I ადგილი (2018-2019 სასწავლო წლის გაზაფხულის სემესტრის ღირებულების 100 %) - უჩა რაზმაძე II ადგილი (2018-2019 სასწავლო წლის გაზაფხულის სემესტრის ღირებულების 50 %) - მარია ანტონიანი კონკურსი თავისუფალი უნივერსიტეტის სტუდენტებისთვის უკვე მეცხრედ ჩატარდა.

გვერდები