ENG GEO

Search form

ქეთევან შოშიაშვილი სწავლას როტერდამის ერასმუსის უნივერსიტეტში გააგრძელებს

თავისუფალი უნივერსიტეტის მართვისა და საზოგადოებრივი მეცნიერებების სკოლის კურსდამთავრებული, ქეთევან შოშიაშვილი როტერდამის ერასმუსის უნივერსიტეტში, საერთაშორისო საჯარო მართვის სამაგისტრო პროგრამაზე აგრძელებს სწავლას 2020 აკადემიური წლიდან.
 
Erasmus University Rotterdam საჯარო ადმინისტრირების პროგრამამ 2017-2018 წლის შანხაის მსოფლიოს უნივერსიტეტების აკადემიურ რეიტინგში N1 ადგილი დაიკავა.
 
თბილისის თავისუფალი უნივერსიტეტის დამთავრების შემდეგ ქეთევანმა ამერიკაში, ვაშინგტონში ორი პარალელური სტაჟირების პროგრამა გაიარა. პროგრამა გულისხმობდა:
 
The Charles Koch Institute-ში მუშაობას, რომელიც მიზნად ისახავდა Market-based Management-ის შესწავლას, მონაწილის პროფესიული მისწრაფებების აღმოჩენას და კარიერულ განვითარებას
პარტნიორი ორგანიზაციის Students For Liberty-ს გლობალური ალუმნი პროგრამის სტრატეგიის შემუშავებას, რომელიც ადგილობრივi კვლევით და ვაშინგტონში არსებულ პარტნიორ ორგანიზაცებთან თანამშრომლობით განხორციელდა.
ლოკალურ, ქართველი სტუდენტები თავისუფლებისთვის ორგანიზაციაში ქეთევანმა 3 წელზე მეტი დაჰყო, სადაც ითავსებდა როგორც კომუნიკაციების, ასევე პროექტ-მენეჯერის პასუხისმგებლობებს.
 
2020 წელს ქეთევანი America’s Future Foundation-ის Writing Fellow გახდა, სადაც შეისწავლა Op-ed-ის წერის ამერიკული სტილი და მიიღო შესაძლებლობა პირადად მიეღო რჩევები ისეთი გამოცემებისა და მედიების ჟურნალისტებისა და რედაქტორებისგან, როგორიცაა: Reason Magazine, The Federalist, Washington Examiner, National Interest. მას შემდეგ ის თანამშრომლობს ამერიკულ მედია საშუალებებთან.